![Aydın Əliyev Qaxda vətəndaşları qəbul edəcək](http://oxumeni.az/media/news/2015/09/photo_41962.jpg)
Aydın Əliyev Qaxda vətəndaşları qəbul edəcək
Mərkəzi icra hakimiyyəti orqanları rəhbərlərinin şəhər və rayonlarda vətəndaşların qəbulu cədvəlinə uyğun olaraq Dövlət Gömrük Komitəsinin (DGK) sədri Aydın Əliyev sentyabrın 23-də saat 10:00-da Qax şəhərindəki Heydər Əliyev Mərkəzində (Nərimam Nərimanov küç. 4) bu bölgədən olan vətəndaşları qəbul edəcək.
DGK-dan verilən məlumata görə, qəbul zamanı bölgədə yerləşən rayonların - Qax, Zaqatala, Balakən rayonlarının sakinlərinin yalnız gömrük məsələləri ilə bağlı müraciətləri dinləniləcək.
Qəbulda iştirak etmək istəyən vətəndaşlar sentyabrın 22-i saat 10:00-dək "192" Çağrı Mərkəzi, Dövlət Gömrük Komitəsi (əlaqələndirici şəxs – Məmmədova Səbinə Xanlar qızı, əlaqə telefonu: (012) 404-22-00), Balakən Gömrük İdarəsi (əlaqə telefonu: (024) 295-18-39) ilə əlaqə saxlayıb qəbula yazıla bilərlər.
Mediainfo.az