Anar Qədirli:“ Xaricə müalicə almağa gedən insanlara yalnız Azərbaycanda təsadüf olunmur”

24 Sentyabr 2014 15:06

Bəyəndim (0) Bəyənmədim (0)

"Azərbaycanda dövlət xəstəxanalarına müraciət edən insanların sayı artıb. 4-5 il əvvəl poliklinikalar ölü qurum idi. İnsanlar bura yalnız arayış almaq üçün müraciət edirdilər. Ancaq artıq poliklinikalara müraciət edənlərin sayı da çoxalıb"

Mediainfo.az xəbər verir ki, bunu Səhiyyə Nazirliyinin mətbuat xidmətinin rəhbəri Anar Qədirli XX Azərbaycan Beynəlxalq Səhiyyə Sərgisinə həsr olunmuş mətbuat konfrasında çıxışı zamanı bildirib. Onun sözlərinə görə, xaricə müalicə almağa gedən insanlara yalnız Azərbaycanda təsadüf olunmur. Hətta dünyanın ən qabaqcıl, pulsuz səhiyyə sisteminin olduğu ölkələrdə də belə hal var.

A.Qədirli səhiyyədə islahatlar keçirilən son 7-8 il ərzində 100-ə yaxın tibb işçisinə töhmət verildiyini, 70-ə yaxın işçinin çıxarıldiğini deyib. Onlardan 9-u baş həkim olub. "Rüşvətlə mübarizədə də irəliləyişlər əldə olunub. Lakin bu işdə insanlar da bizə kömək etməlidirlər. Özləri də öz sağlamlıqlarının qeydinə qalmalıdırlar".