Cənubi Koreyada kompüter və digər elektronika məhsullarının qiymətlərində rekord artım qeydə alınıb

Cənubi Koreyada kompüter və digər elektronika məhsullarının qiymətlərində əhəmiyyətli artım qeydə alınıb. Oxuməni.az xəbər verir ki, bu barədə Koreya Statistika və İnformasiya Xidməti (KOSIS) məlumat yayıb.

Statistikaya görə, sentyabr ayında davamlı malların qiymətləri ötən ilin eyni ayı ilə müqayisədə 4,9% artıb ki, bu da son 17 ilin ən yüksək artımıdır. Kompüterlərin qiyməti son bir ildə 27,4% artıb. Planşet və yaddaş cihazlarının qiymətləri müvafiq olaraq 22,5% və 45,9% artıb. Mobil telefonların qiymətləri istehsalçıların daha yüksək komponent qiymətlərini nəzərə almağa başladığı yeni smartfon modellərinin buraxılması ilə 8,3% artıb. İstehsalçılar DRAM qiymətlərini 476,1% və fləş yaddaşı 250,6% artırıblar.

Qiymət artımı süni intellekt məlumat mərkəzlərinə qoyulan investisiyaların artması ilə əlaqədardır ki, bu da yarımkeçiricilərə tələbatın artmasına və yaddaş çiplərinin çatışmazlığına səbəb olur. Cənubi Koreya hakimiyyət orqanlarının fikrincə, hazırkı mühitdə elektronika qiymətlərinin artmasının qarşısını almaq olduqca çətindir. Cənubi Koreya Maliyyə və İqtisadiyyat Nazirliyi yarımkeçirici qiymətlərinin demək olar ki, qaçılmaz artmasının tədricən davamlı malların qiymətinə təsir etdiyini bildirib.

Əziz MUSTAFA