"Volvo Cars" Stokholm Ofisinin bağlandığını elan etdi

Ofisin bağlanması təxminən 450 işçiyə təsir edəcək və onların əksəriyyətinə Göteborqda iş təklif olunacaq.
Avtomobil istehsalçısı "Volvo Cars" İsveç paytaxtındakı ofisini bağlayacaq və resurslarını Göteborqdakı baş ofisinə köçürəcək. Oxuməni.az xəbər verir ki, bu barədə şirkətin mətbuat meneceri Maqnus Holsta The Sweden Herald-a açıqlamasında deyib.

"Volvo Cars"ın Stokholm ofisi 1 mart 2027-ci ildə bağlanacaq və orada çalışan təxminən 450 işçiyə təsir edəcək. Onların əksəriyyətinə Göteborqda iş təklif olunacaq.

"Volvo Cars" əlavə edib ki, avtomobil istehsalçısının İsveç paytaxtındakı ofisi açıldığı gündən bəri proqram təminatının hazırlanması, süni intellekt və rəqəmsal müştəri təcrübəsi kimi sahələrdə təcrübə toplamaqda əsas rol oynayıb.

Keçid tədricən olacaq. Golst şirkətin həmkarlar ittifaqları ilə əməkdaşlıq etdiyini qeyd edib.

O bildirib ki, "bu cür hallar üçün müvafiq prosedurlar mövcuddur və biz işçiləri davam edən proses barədə məlumatlandırırıq".

Daha əvvəl xəbər verdiyimiz kimi, Geely Holding 2028-ci ildən başlayaraq "Volvo Cars"ın Avropa zavodlarında bir və ya bir neçə törəmə brendindən avtomobillər istehsal etməyə başlamağı planlaşdırır.

Əziz Mustafa