ABŞ prezidenti Donald Tramp Kanadaya qarşı 50% rüsum tətbiq edib

ABŞ prezidenti Donald Tramp Kanadaya qarşı 50 faizlik vergi rüsumu tətbiq edib. Tarif bu ölkədən gətirilən geniş çeşiddə mallara şamil edilir.

Oxuməni.az-ın yaydığı məlumata görə, bu barədə BBC və Axios-un verdiyi xəbərdə deyilir.

Rüsumların tətbiqi 30 gündən sonra qüvvəyə minəcək və yenidən ölkələr arasında ticarət eskalasiyasını artıracaq.

Bu arada, Kanadanın Baş naziri Mark Karni buna artıq cavab verib və Kanadanın yaxın həftələrdə ABŞ ilə ticarət danışıqlarını “intensivləşdirməyə” hazır olduğunu bildirib.

Yeni tariflər bir çox mal və məhsullara, o cümlədən daha çox USMCA kimi tanınan Kanada, ABŞ və Meksika arasında mövcud azad ticarət sazişinə daxil olanlara tətbiq edilir.

Xüsusilə, məhdudiyyətlərə həm şərab, gündəlik istehlak malları, həm də sement kimi sənaye malları daxildir.

Bununla belə, istisnalar var. İxrac məhdudiyyətləri enerji, kalium gübrələri, kritik minerallar və balıqlara şamil edilmir.

Mark Karni sosial mediada yazıb: "Bu, Kanada-Amerika Birləşmiş Ştatları-Meksika Sazişini birbaşa pozan bir sıra tariflərin tətbiqi ilə başlayan ABŞ-ın birtərəfli ticarət hərəkətləri silsiləsinin sonuncusudur".

O, həmçinin ABŞ-dan gələn "Kanadanın suverenliyinə təhdidləri" xatırladıb. O, ehtimal ki, bununla Trampın Kanadanı ABŞ-ın 51-ci ştatı etmək çağırışlarına işarə edib.

Əziz MUSTAFA