Yaxın Şərq münaqişəsinin yaratdığı enerji böhranı yeni mərhələyə qədəm qoyur

Yaxın Şərq münaqişəsinin yaratdığı qlobal enerji böhranı yay mövsümü yaxınlaşdıqca yeni mərhələyə qədəm qoyur. Bu barədə Financial Times mənbələrə istinadən məlumat verib. Onun sözlərinə görə, təxminən 80 ölkə iqtisadiyyatlarını qorumaq üçün təcili tədbirlər tətbiq edib. Aberdeen şirkətinin aktivlər üzrə meneceri Pol Diql qəzetə bildirib ki, Brent markalı xam neftin qiyməti bir barel üçün 180 dollara çata bilər.

Neft, dizel və reaktiv yanacağın tədarükü istehlakçıların kondisionerlərə və beynəlxalq səyahətlərə artan tələbatı ilə daha da pisləşə bilər. Qəzet qeyd edir ki, iqtisadçılar qlobal ehtiyatların rekord həddə tükənməsi səbəbindən neft qiymətlərində yeni bir artım ehtimalı barədə xəbərdarlıq ediblər.

Qəzetin sitat gətirdiyi Nəqliyyat və Turizm üzrə Avropa Komissarı Apostolos Tzitzikostas bildirib ki, Yaxın Şərq münaqişəsi yaxın həftələrdə həll olunmazsa, "qlobal tənəzzül qaçılmaz ola bilər".

May ayının əvvəlində Rusiya Birbaşa İnvestisiya Fondunun rəhbəri Kirill Dmitriyev bildirib ki, rekord həddə çatan neft qiymətləri səbəbindən dünya tarixin ən böyük enerji böhranına doğru gedir. Qlobal enerji bazarında gərginliyin artması Yaxın Şərqdəki münaqişə, o cümlədən ABŞ və İsrailin İrana hücumları və Hörmüz boğazında gəmiçiliklə bağlı gərginliklərlə əlaqələndirilir.

Əziz MUSTAFA