Aİ Kiyevə kredit verilməsinin şərtlərini sərtləşdirmək istəyir

Avropa İttifaqı Ukraynaya 90 milyard avro məbləğində kreditin verilməsini daha sərt şərtlərə bağlamağı düşünür. Oxuməni.az xəbər verir ki, bu barədə çərşənbə günü “Bloomberg” agentliyi mənbələrə istinadən məlumat verib.
Onların məlumatına görə, söhbət xüsusilə biznes üçün Ukraynanın vergi qanunvericiliyində Aİ-nin kreditin bir hissəsinin ödənilməsi üçün şərt kimi irəli sürə biləcəyi populyar olmayan dəyişikliklərdən gedir.
Müvafiq plan hazırda Avropa Komissiyası tərəfindən müzakirə olunur, nəşrdən belə məlum olur. Dəyişikliklər Kiyevin Rusiyaya qarşı müdafiə mübarizəsini davam etdirməsinə imkan verəcək makroiqtisadi yardım çərçivəsində 8,4 milyard avro almaq imkanına təsir göstərə bilər, müəlliflər bildirirlər.
Ukraynaya 90 milyard avro ayrıldıqdan sonra bu ölkənin maliyyələşdirilməsi probleminin ən erkən 2028-ci ildə yaranacağı güman edilirdi, lakin 24 aprel tarixində “The Wall Street Journal” onlayn nəşri diplomatik mənbələrə istinadən yazıb ki, artıq 2027-ci ildə Kiyevin büdcə ehtiyaclarını qarşılamaq üçün əlavə 19 milyard avroya ehtiyacı olacaq. Beləliklə, Avropa İttifaqı bəlkə də bu il Ukraynanın əlavə maliyyələşdirilməsi ilə bağlı çətinliklərlə üzləşməli olacaq.
Almaz Həsənli