Apple iPhone 20-ni "maye şüşə" effektli unikal ekranla təchiz edəcək

Apple, "maye şüşə" (Liquid Glass Display) adlanan yeni nəsil displeyi yubiley model iPhone üçün təqdim edə bilər. Oxuməni.az xəbər verir ki, bu barədə nüfuzlu insayder Ice Universe sosial şəbəkə X-də (keçmiş Twitter) öz səhifəsində bildirib.
İnsayderin sözlərinə görə, söhbət Android cihazlarda geniş istifadə olunan klassik əyri ekranlardan getmir. Daha mürəkkəb konstruksiyanın, minimal fiziki əyriliyin istifadəsi nəzərdə tutulur, burada vizual effekt optik qırılma, işıqkeçirən elementlər və düşünülmüş vizual arxitekturanın birləşməsi ilə formalaşır.
Gözlənilir ki, belə bir yanaşma, təsvirin kənarlarında təbii qavrayışı qoruyub saxlamaqla, displeyin görünən çərçivələrini demək olar ki, aradan qaldırmağa imkan verəcək. Konsepsiya, şüşə səthlərə xas olan şəffaflığı və aydınlığı qoruyarkən, təsvirin "axıcılıq" effektini yaratmağı nəzərdə tutur.
Söylənilənə görə, Apple, Samsung ilə əməkdaşlıqda iPhone 20 üçün ekran hazırlayır. İnsayder Digital Chat Station-ın məlumatına görə, ekran dörd tərəfdən də əyri bir konstruksiyaya sahib ola bilər.
Almaz Həsənli