Neft Trampın xalqa müraciətindən sonra bahalaşıb

Əvvəlki sessiyanın yekunlarına görə azalmadan sonra, cümə axşamı səhər neft qiymətləri fəal şəkildə artır.
Oxuməni.az-ın İnterfax-a istinadən verdiyi məlumata görə, bu dinamika ABŞ prezidenti Donald Trampın ABŞ və İsrailin İranda keçirdiyi əməliyyata həsr olunmuş həmvətənlərinə televiziya müraciətindən sonra müşahidə olunub.
Bakı vaxtı ilə saat 9:08-ə olan məlumata görə, Londonun ICE Futures birjasında Brent markalı neftin iyun fyuçerslərinin qiyməti 5,90 dollar (5,83%) artaraq bir barel üçün 107,06 dollara çatıb. Çərşənbə günü müqavilə 2,81 dollar (2,7%) ucuzlaşaraq bir barel üçün 101,16 dollar olub.
Nyu-York Əmtəə Birjasının (NYMEX) elektron ticarətində may ayı üçün WTI neft fyuçersləri bu vaxta qədər 4,86 dollar (4,85%) bahalaşaraq bir barel üçün 104,98 dollara çatıb. Əvvəlki sessiyanın yekunlarına görə, bu müqavilələrin dəyəri 1,26 dollar (1,2%) azalaraq bir barel üçün 100,12 dollar olub.
ABŞ prezidenti Donald Tramp xalqa müraciətində Yaxın Şərq müharibəsinin başa çatması üçün dəqiq müddət göstərməyib ki, bu da treyderlərin neft tədarükündə uzunmüddətli fasilələrin davam edəcəyi ilə bağlı narahatlıqlarını artırıb.
Almaz Həsənli