Microsoft 2026-cı ildə Windows 12-ni buraxmaq fikrindən daşındı: Onun yerinə nə olacaq?

Son vaxtlar aktiv şəkildə yayılan Windows 12-nin tezliklə buraxılması ilə bağlı şayiələr vaxtından əvvəl idi. Bu yaxınlarda PCWorld yeni əməliyyat sisteminin 2026-cı ildə buraxıla biləcəyini bildirdi, lakin daha sonra nəşr məqaləni yeniləyərək, nəşrin alman saytından keyfiyyətsiz tərcümə olduğunu və redaksiya yoxlamasından keçmədiyini bildirdi.

Oxuməni.az xəbər verir ki, bundan sonra, “Windows Central”, Microsoft-un planları ilə tanış olan mənbələrə istinadən, bu il yeni əməliyyat sisteminin buraxılması planlarının olmadığını təsdiqlədi. Bunun əvəzinə, korporasiya Windows 11-i təkmilləşdirməyə və mövcud problemləri həll etməyə diqqət yetirəcək.

Tarixən, Microsoft Windows-un əsas versiyalarını üç illik dövrə ilə buraxırdı, lakin 2015-ci ildə Windows 10-un buraxılmasından sonra strategiya "Xidmət kimi Windows" konsepsiyası istiqamətində dəyişdi. Yeni əməliyyat sistemləri əvəzinə, şirkət müntəzəm funksional yeniləmələrə keçdi.

İlkin məlumatlara görə, Windows 12 tamamilə modulyar CorePC arxitekturası üzərində qurulacaq: sistem komponentləri bir-birindən təcrid olunacaq, yeniləmələr daha qranulyar olacaq və planşetlərdən yüksək performanslı kompüterlərə qədər müxtəlif növ cihazlar üçün fərqlənəcək. “Copilot” süni intellekti isə sistemin əsas elementi olacaq.

Windows 11 istifadəçiləri üçün növbəti böyük funksional yeniləmə 26H2 versiyası olacaq, hansının ki, 2026-cı ilin ikinci yarısında buraxılması planlaşdırılır. Əsas yeniliklər arasında ARM çipləri (Snapdragon X2) üçün təkmilləşdirilmiş dəstək, Copilot-un "Explorer"ə dərin inteqrasiyası və oyunlarda süni intellekt dəstəyi qeyd olunur.

Xatırladaq ki, 2026-cı ilin fevralında Windows 11-in payı 62,4%-dən 72,5%-ə yüksələrək yeni populyarlıq rekordu qoydu. Rəsmi dəstəyi keçən ilin oktyabrında başa çatan Windows 10-dan istifadə edənlərin sayı cəmi 26,45% təşkil edir.

Windows 11-in son yeniləmələrindən biri istifadəçilər üçün əsl fəlakətə çevrilmiş, qara ekran, təsadüfi yenidən başlatmalar, "Explorer" və tətbiqlərin işində nasazlıqlar yaratmışdı.

Almaz Həsənli