Azərbaycan Almaniya və Avstriyaya qaz tədarükünə başlayıb

Azərbaycan Dövlət Neft Şirkəti (SOCAR) yanvar ayında Trans-Adriatik Boru Kəməri (TAP) vasitəsilə Almaniya və Avstriyaya qaz tədarükünə başlayıb. Şirkət bunu "Azərbaycan qaz ixracında növbəti vacib mərhələ" adlandırıb. Oxuməni.az xəbər verir ki, bu barədə SOCAR şirkətinin mətbuat açıqlamasında bildirilir.
TAP Cənub Qaz Dəhlizinin Avropa seqmentidir. SOCAR-ın məlumatına görə, İtaliya vasitəsilə Avstriya və Almaniyaya qaz tədarükü Azərbaycan qazının Avropadakı coğrafi əhatə dairəsini genişləndirəcək. Dövlət şirkətinin mətbuat açıqlamasına görə, Azərbaycan qazını alan ölkələrin ümumi sayı 16-ya çatıb.
2024-cü ilin dekabr ayında Azərbaycan Slovakiyaya qaz tədarükünə başlayıb. 2025-ci ilin iyul ayında Ukrayna Azərbaycandan qaz almağa başlayıb: “Naftogaz Ukraine” şirkəti “SOCAR Energy Ukraine” ilə açıqlanmayan məbləğdə müqavilə imzalayıb. Ötən ilin dekabr ayında SOCAR Türkiyədə 225 milyon dollara elektrik stansiyasının alınması üçün “Gama Enerji” şirkəti ilə müqavilə imzalayıb.
Almaz Həsənli