Türkiyənin "Beşiktaş" Gəmiçilik Şirkəti Rusiya ilə əməliyyatlarını dayandırıb

14:25

Bəyəndim (0) Bəyənmədim (0)

Türkiyənin Beşiktaş Gəmiçilik Şirkəti gəmisinə edilən hücumdan sonra Rusiya ilə əməliyyatlarını dayandırdı.

Seneqal sahillərində neft tankeri zədələnən Türkiyənin Beşiktaş Gəmiçilik şirkəti Rusiya ilə gəmiçilik əməliyyatlarını dayandırdığını açıqladı. Şirkət bölgədəki təhlükəsizlik vəziyyətinin "əhəmiyyətli dərəcədə pisləşdiyini" bildirdi.

Beşiktaş Gəmiçilik şirkəti artıq Rusiya ilə əlaqəli səyahətlər həyata keçirməyəcəyini açıqladı. Şirkət həmçinin bütün beynəlxalq sanksiyalara və ticarət məhdudiyyətlərinə ciddi şəkildə əməl etdiyinə əminlik verdi.

"Hərtərəfli qiymətləndirmədən sonra gəmilərimiz və heyət üzvlərimiz üçün risklərin qəbuledilməz hala gəldiyi qənaətinə gəldik. Personalımızın və aktivlərimizin təhlükəsizliyi bizim əsas prioritetimiz olduğundan, bütün bu cür əməliyyatları dayandırırıq", - deyə şirkət şərh etdi (Reuters-in sitat gətirdiyi).

Noyabrın sonlarında Panama bayrağı altında Tamandan Dakara gedən Türkiyənin Mersin tankeri Seneqal sahillərində sızma baş verdi. Mümkün səbəb kimi hücum göstərildi. Gəmi neft məhsulları daşıyırdı; heyət üzvlərindən heç biri xəsarət almayıb.

Əziz MUSTAFA