“Apple”-ın bazar kapitallaşması iPhone 17-nin uğurlu satışları sayəsində 4 trilyon dollara çatıb
“Bloomberg” ticarət məlumatlarına istinadən xəbər verir ki, Nasdaq birjasında ticarət zamanı Apple-ın bazar kapitallaşması tarixdə ilk dəfə 4 trilyon dolları keçib. iPhone istehsalçısından başqa, bu mərhələyə yalnız iki başqa tanınmış şirkət çatıb: Nvidia və Microsoft.
Apple səhmləri 0,4% artaraq pik həddə çatdığı zaman 269,87 dollara çatıb. Bakı vaxtı ilə saat 19:03-də onların artımı yavaşlayıb və əvvəlki bağlanışlarının yüzdə bir faizi daxilində, 268,90 dollar səviyyəsindədir. Apple-ın bazar kapitallaşması indi dəyirmi həddin altına düşərək 3,99 trilyon dollara düşüb.
“Bloomberg” xəbər verir ki, Apple şirkətinin səhmlərinin qiymətinin artması yenilənmiş iPhone seriyası ilə bağlı nikbinlik və ABŞ-ın idxal tariflərinin yumşaldılması ilə bağlıdır. Şirkətin səhmləri son zamanlar rekord həddə çatıb. “Wedbush Securities” analitiki Den Ayvzın sözlərinə görə, Apple hələ də süni intellekt sahəsində rəqiblərindən geri qalsa da, bazar kapitallaşmasının 4 trilyon dollara çatması şirkətin dünyada ən yaxşı istehlakçı franşizasına sahib olduğuna işarədir.
“Bloomberg” xəbər verir ki, ən son iPhone seriyasına tələbat gözləniləndən daha yüksək olub və analitiklər bunu çoxdan gözlənilən yeniləmə dövrünün başlanğıcı kimi görürlər. “Counterpoint Research”-in məlumatına görə, ABŞ və Çində ilk 10 gündə iPhone 17 satışları iPhone 16-ya olan tələbatı üstələyib. Apple bu yaxınlarda öz M5 çipi ilə iPad Pro, Vision Pro və MacBook Pro-nun yeni versiyalarını da təqdim edib.
Lakin, Apple hələ də "Möhtəşəm Yeddi" səhmləri arasında autsayder hesab olunur: “Bloomberg”-ə görə, analitiklərin "alış" tövsiyələrinin ən aşağı faizlərindən birinə malikdir, yalnız Tesla-dan geri qalır. Orta hesabla, Apple səhmlərinin növbəti il üçün qiymət hədəfləri cari səviyyələrdən 6% aşağıdır.
30 oktyabr Cümə axşamı günü Apple dördüncü rübün mənfəət hesabatını açıqlayacaq. JPMorgan analitiki Samik Çatterci hesab edir ki, şirkətin səhm qiymətləri hazırda ötən ilə nisbətən daha müsbətdir. O, Apple səhmlərini almağı tövsiyə edir və qiymət hədəfini səhm başına 290 dollara qaldırır.
Almaz Həsənli
