OpenAI 500 milyard dollar dəyərində dünyanın ən dəyərli özəl şirkəti oldu

15:34

Bəyəndim (1) Bəyənmədim (0)

GPT chatbotunun yaradıcısı American OpenAI, investorlara ikinci dərəcəli səhm satışını başa vuraraq, onu 500 milyard dollar dəyərində qiymətləndirərək dünyanın ən dəyərli özəl şirkəti oldu. Bu barədə “İnterfax” “CNBC”yə istinadla xəbər verir.
Səhmlərini satmaq imkanı onları iki ildən çox saxlamış şirkət işçilərinə verildi. Ümumilikdə 6,6 milyard dollar dəyərində səhm satılıb, icazə isə 10,3 milyard dollara qədər satışı nəzərdə tuturdu.
Səhmlər Thrive Capital, SoftBank, Dragoneer Investment Group, MGX və T. Rowe Price daxil olmaqla investorlar konsorsiumu tərəfindən alınıb.
Bu ilin aprelində tamamlanan investisiya raundunda OpenAI 300 milyard dollar dəyərində qiymətləndirilib.
OpenAI-nin hazırkı qiymətləndirməsi onu dünyanın ən dəyərli özəl şirkəti edir. Əvvəllər bu vəzifəni 456 milyard dollar dəyərində olan SpaceX tuturdu.
Almaz Həsənli