Avropa Komissiyası “Ukraine Facility” proqramı çərçivəsində Ukraynaya 7,9 milyard avro ödəyib
Avropa Komissiyası “Ukraine Facility” proqramı çərçivəsində Ukraynaya 7,9 milyard avro ödəyib. Bu barədə Avropa Komissiyasının rəhbəri Ursula fon der Leyen X sosial şəbəkəsində yazıb.
"Bu gün biz demək olar ki, 8 milyard avro ödəyirik - bu, indiyə qədərki ən böyük ödənişdir. Bu, açıq şəkildə göstərir ki, islahatlarda irəliləyiş real nəticələr və faydalar gətirir. Ukrayna öz Avropa yolu ilə israrla irəlilədikcə, onlar bizim dəstəyimizə arxalana bilərlər", - Avropa Komissiyasının rəhbəri qeyd edib.
Avropa Komissiyasının hesabatında deyilir, belə ki, maliyyə imkanları və dövlət orqanlarının funksiyalarını idarə etmək üçün hər cür şərait yaradılır.
Ümumi həcmi 50 milyard avroya qədər olan Ukrayna Mexanizmi proqramı 2024-2027-ci illər üçün nəzərdə tutulub. Eyni zamanda, tranşların köçürülməsi Ukraynanın islahatlar həyata keçirməsi ilə bağlıdır.
Noyabrın 18-də fon der Leyen bildirib ki, Avropa Komissiyası Kiyevə 2027-ci il üçün 45 milyard avro həcmində yeni kredit təklif edib. Bu məbləğdən 20 milyard avronun Ukrayna büdcəsinin, qalan 25 milyard avronun isə Ukraynanın Silahlı Qüvvələrinin dəstəklənməsinə yönəldilməsi planlaşdırılır.
Əziz MUSTAFA




















.jpg)



.jpg-1.jpg)
.jpg-1.jpg)
.jpg-1.jpg)
.jpg)























































