Türkiyə hakimiyyəti media və sosial şəbəkələrin gecə-gündüz monitorinqi üçün süni intellekt sistemini işə salacaq

Türkiyə Radio və Televiziya Üst Şurası (RTÜK) süni intellektə əsaslanan Via+ monitorinq sisteminin inkişafını yekunlaşdırır. Onun köməyi ilə tənzimləyici ənənəvi medianın, rəqəmsal platformaların və sosial şəbəkələrin audio və video məzmununda gecə-gündüz qanun pozuntularını aşkar etməyi gözləyir.

Oxuməni.az xəbər verir ki, bu barədə TRT Haber məlumat yayıb.

Sistem eyni vaxtda altı peykdən 800-dən çox telekanalı izləmək və demək olar ki, bütün internet resurslarını təhlil etmək qabiliyyətinə malikdir. Via+ hər gün 12 dilə tərcümə ilə 19,2 min saata qədər nitqi emal edə, həmçinin vizual pozuntuları tanımaq üçün 300 milyondan çox video kadrı skan edə bilər.

RTÜK rəhbəri Mehmet Danişin sözlərinə görə, paralel olaraq Türkiyədə agentliyin rəqəmsal sahədə səlahiyyətlərini genişləndirmək üçün qanunvericiliyə düzəlişlər hazırlanır. “Via+” layihəsi artıq 2027-ci ilin dövlət investisiya proqramına daxil edilib. “Müdafiə sektorunda “Polad günbəz”imiz olduğu kimi, Via+ da media məkanında “Polad günbəz”imizə çevriləcək”, - tənzimləyici orqanın rəhbəri vurğulayıb.

Əziz Mustafa