Britaniyalı 28 ildən sonra dünya səyahətini tamamladı

Britaniyalı Karl Buşbi 28 illik dünya səyahətindən sonra evə qayıdıb. Bu səyahət zamanı o, təxminən 50.000 km məsafə qət edərək dörd qitə və 30 ölkədən keçib. Oxuməni.az xəbər verir ki, bu barədə APN-nin məlumatında bildirilib.

Buşbi 1998-ci ilin noyabr ayında Çilinin Punta Arenas şəhərindən nəqliyyatdan istifadə etmədən dünya səyahətinə çıxmaq məqsədi ilə yola düşüb. Səyahət zamanı o, Berinq boğazını buz üzərində keçib, həmçinin Xəzər dənizi və İngilis kanalını üzüb keçib. 2008-ci il maliyyə böhranı, COVID-19 pandemiyası və viza çətinlikləri səbəbindən marşrut bir neçə dəfə kəsilib. Səyahətin Rusiya hissəsini başa vurmaq təxminən on il çəkdi.

Finiş xəttində səyyah İngiltərənin şimalındakı doğma şəhəri Hulla qayıtdı və orada qohumları, yerli sakinlər və media nümayəndələri tərəfindən qarşılandı.

Buşbinin sözlərinə görə, marşrutu başa vurduqdan sonra o, yeni layihələrə, ictimaiyyət qarşısında çıxışlara və xatirələrinin davamı üzərində işləməyə diqqət yetirməyi planlaşdırır. Alman rejissoru Verner Herzoq da səyahəti haqqında sənədli film çəkir.

Əziz Mustafa