Amerika Gulfstream G400 təyyarəsi sürət rekordu qırdı

Təcrübəli Gulfstream G400 biznes təyyarəsi Mayami-Las Vegas marşrutunda yeni sürət rekordu qırdı. Təyyarə şəhərlər arasındakı məsafəni 1090 km/saat sürətlə 4 saat 8 dəqiqəyə qət edib.

Oxuməni.az xəbər verir ki, bu barədə mətbuata açıqlamasında şirkət prezidenti Mark Berns deyib. O, bunun yeni dünya rekordu olduğunu vurğulayıb.

Təcrübəli G400 və onun kabin maketi bu yaxınlarda keçirilən NBAA-BACE aviaşouda nümayiş etdirildi. Təyyarə məhz uçuş zamanı sürət rekordu qırdı. Sərgidə, o, Gulfstream G700 və Gulfstream G800 ultra uzun mənzilli biznes təyyarələri ilə birlikdə nümayiş etdirildi.

Gulfstream G400-ü 2021-ci ildə təqdim etdi. İstehsalçı onu on ildən çox müddət ərzində geniş kabinəyə malik öz sinfində ilk yeni təyyarə kimi təqdim edir.

G400 şirkətin model sırasındakı heç bir mövcud modeli əvəz etməyəcək. O, G300 ilə əvəz olunması gözlənilən G280 ilə böyük kabinli biznes təyyarələri G500 və G600 arasındakı boşluğu doldurmaq üçün nəzərdə tutulub.

Gulfstream G400-ün siyahı qiyməti təxminən 34,5 milyon dollardır.

Təyyarə yanacaq doldurmadan 4200 dəniz milinə və ya təxminən 7778 km məsafə qət edə biləcək. Bu məsafə, məsələn, Nyu-Yorkdan Cenevrəyə və ya Mayamidən San-Pauloya birbaşa uçuşlar etməyə imkan verəcək.

Əziz Mustafa