Çexiya Prezidenti 2026-cı ildə 23 Çexiya vətəndaşının Ukrayna Silahlı Qüvvələrinə qoşulmasına icazə verib

20:18

Bəyəndim (0) Bəyənmədim (0)

Çexiya Prezidenti Petr Pavel 2026-cı ildə 23 Çexiya vətəndaşının Ukrayna Silahlı Qüvvələrinə qoşulmasına icazə verib.

Oxuməni.az xəbər verir ki, bu barədə Prezidentin mətbuat katibi Voytěch Šeliga məlumat verib.

"Prezident Petr Pavel bu il 23 Çexiya vətəndaşının Ukraynadakı silahlı qüvvələrə qoşulmasına icazə verib. O, 42 nəfərdən Ukrayna Silahlı Qüvvələrinə qoşulmaq üçün ərizə alıb", - deyə Voytěch Šeliga bəyan edib

Çexiya mediasının məlumatına görə, 9 mart 2023-cü ildə prezident vəzifəsini icra edən Pavelin sələfi Miloş Zeman 24 fevral 2022-ci ildən bəri Çexiya vətəndaşlarına Ukrayna Silahlı Qüvvələrinə qoşulmaq üçün 132 icazə verib. Lakin bu icazələri alanlardan neçəsinin əslində Ukraynaya getdiyi məlum deyil.

Çexiya qanunvericiliyi vətəndaşların prezidentin icazəsi olmadan xarici hərbi və ya hərbiləşdirilmiş birləşmələrdə iştirakını qadağan edir.

Əziz MUSTAFA