Amerikalı kəşfiyyat zabiti qəzaya uğramış UFO-dan sürünənlərin məhv edilməsi barədə məlumat verib

ABŞ Milli Kəşfiyyat Agentliyinin keçmiş zabiti Devid Qruş ABŞ ordusunun kosmik gəmi qəzasından sağ çıxan sürünənləri məhv etdiyini iddia edib. Oxuməni.az xəbər verir ki, o, bununla bağlı Joe Rogan Experience podkastında paylaşım edib.

Qruş ona qəzaya uğramış UFO-dan sağ çıxan ABŞ qoşunları ilə yadplanetlilər arasında qarşılaşma kimi təsvir edilən bir hadisəni xatırlayıb. Keçmiş kəşfiyyat zabitinin sözlərinə görə, bunlar iki metrdən çox boyu olan sürünənlər idi. Qruşa bu canlıların məhv edilməli olduğu deyilib. "Onlar təhlükə yaradırdılar. Onlar Amerika əsgərlərini şikəst etməyə başladılar", - deyə o, hadisəni təsvir edib və əlavə edib ki, bəzi əsgərləri xilas etmək mümkün olmayıb.

Qruş hökumət rəsmilərindən eşitdiyinə görə bu hekayənin doğruluğuna əmin olduğunu bildirib. O, bir gün sürünənlərlə döyüşənlərin hekayəni şəxsən danışmasına icazə veriləcəyinə ümid edirdi.

Əvvəllər Qruş yadplanetlilərin okeanda nəhəng sualtı baza tikdiyini demişdi. Keçmiş kəşfiyyat zabitinin sözlərinə görə, onun ölçüsü bir neçə şəhər məhəlləsi ilə müqayisə edilə bilər.

Əziz Mustafa