Vens 2028-ci ildə ABŞ prezidentliyinə namizəd olub-olmayacağına qərar verməyib

ABŞ vitse-prezidenti Vens 2028-ci ildə ABŞ prezidentliyinə namizəd olub-olmayacağına qərar verməyib. Oxuməni.az xəbər verir ki, o, bu barədə Reuters agentliyinə verdiyi müsahibədə deyib.

Vens: "Hələ ki, bu barədə çox düşünməmişəm",-deyə bəyan edib

Xatırladaq ki, 7 avqustda ABŞ-ın hazırkı prezidenti Donald Tramp Vensin 2028-ci il seçkilərində ən yüksək vəzifəyə namizəd kimi açıq şəkildə dəstəkləməyə hələ hazır olmadığını bildirib. Tramp bu şərhi "Washington Post" qəzetinin prezidentin Vensin Respublikaçılar Partiyasının donorlarına prezidentliyə namizədliyini gizli şəkildə bildirməsi ilə bağlı xəbərinə cavab olaraq verib.

Bununla belə , 9-10 sentyabr tarixlərində Texasın Dallas şəhərində keçirilən Respublikaçıların Milli Konqresi çərçivəsində keçirilən qapalı tədbirdə iştirak edənlər Vensi növbəti dövlət başçısı kimi qarşılayıblar.

Qanuna görə, Trampın prezident kimi ikinci müddətinin 2029-cu ilin yanvarında başa çatması planlaşdırılır. 1951-ci ildə qəbul edilmiş ABŞ Konstitusiyasına 22-ci düzəliş prezidentin iki müddətlə vəzifədə qalmasını məhdudlaşdırır. Lakin hazırkı Amerika lideri dəfələrlə üçüncü müddətə yenidən seçilmək ehtimalını qaldırıb.

Əziz MUSTAFA