Rusiyada Avropanın ən böyük neft stansiyası yanır: peyk görüntüləri ortaya çıxdı
Samara şəhərində Avropanın ən böyük neft anbarının gecə baş verən partlayışlardan sonra yanğına məruz qalması ehtimalı var.
Oxuməni.az xəbər verir ki, bu barədə Astra Telegram kanalının məlumatında deyilir.
2 oktyabr cümə günü gecə Samarada partlayışlar qeydə alınıb. Astra-nın məlumatına görə, Samara xətti istehsal və göndərmə stansiyasına (LPDS) çox güman ki, zərbə endirilib. Bu, Transneft sisteminin bir hissəsidir və Avropanın ən böyük çən anbarıdır, yəni neftin saxlanıldığı yerdir. Astra açıq məlumatları təhlil etdikdən sonra bu nəticəyə gəlib.
İnternetdə stansiyada yanğının baş verdiyi iddia edilən videolar yayılıb. Samara LPDS 216 hektardan çox ərazini əhatə edir. Burada 71 çən yerləşir və ümumilikdə 1,6 milyon kubmetrdən çox neft tutur. Ərazidə həmçinin iki neft nasos stansiyası - Samara-1 və Samara-2 - və neftin qarışdırıldığı ayrıca bir stansiya da var.
Burada dörd əsas neft kəməri birləşir: Almetyevsk-Kuybışev, Kaltasinsky-Kuybışev, Nijnevartovsk-Kurqan-Kuybışev və Quryev-Kuybışev. Neft buraya Qərbi Sibir, Tatarıstan, Orenburq və Qazaxıstandan gəlir.
Yerli hakimiyyət orqanları yanğınla bağlı heç bir şərh verməyib. Daha əvvəl Samara meri İvan Noskov yerüstü ictimai nəqliyyatın dayandırıldığını və metronun sığınacaq kimi istifadə edildiyini açıqlamışdı. Daha sonra o, raket təhlükəsi aradan qaldırıldığı üçün ictimai nəqliyyatın yenidən işlədiyini bildirdi. Lakin şəhərdə dron təhlükəsi hələ də davam edir.
Əziz Mustafa
