İrana silah alışında kömək edən 10 şəxs və quruma sanksiyalar tətbiq edilib

ABŞ İran Müdafiə Nazirliyinə silah və komponentlərin alınmasında kömək etməkdə ittiham olunan 10 şəxs və quruma sanksiyalar tətbiq edib. Siyahıya Çin, Honkonq və Pakistanda yerləşən qurumlar daxildir.

Oxuməni.az xəbər verir ki, ABŞ Maliyyə Nazirliyi bunu çərşənbə axşamı açıqlayıb.

Xəzinədarlıq Nazirliyi məhdudiyyətlərin Donald Tramp administrasiyasının İranı iqtisadi cəhətdən təcrid etmək və Tehrana təzyiq göstərmək məqsədi daşıyan daha geniş kampaniyasının bir hissəsi olduğunu qeyd etdi.

ABŞ Xəzinədarlıq Naziri Skott Bessent bildirib ki, "Xəzinədarlıq Nazirliyi maddi, texnoloji və ya maliyyə dəstəyi verənləri müəyyən etməyə və bloklamağa davam edəcək".

O, Vaşinqtonun "rejimə heç bir dəstəyə dözməyəcəyini" və İrana kömək edənləri "müəyyənləşdirməyə, ifşa etməyə və təcrid etməyə" davam edəcəyini bildirib.

ABŞ Xəzinədarlıq Nazirliyi sanksiyaların Tehranın silah proqramlarını bərpa etmək qabiliyyətini zəiflətməklə yanaşı, eyni zamanda İrana silah əldə etməkdə kömək edənlərin xərclərini artırmaq məqsədi daşıdığını bildirib.

Əvvəllər bildirilirdi ki, Tehran nüvə proqramı istiqamətində konkret addımlar atacağı təqdirdə ABŞ İrana qarşı sanksiyaları yumşaltmağa və aktivlərini dondurmağa hazırdır.

Əziz Mustafa