Vladimir Putin Asiya-Sakit Okean İqtisadi Əməkdaşlıq Təşkilatının (APEC) Çin sammitində iştirak etməyi planlaşdırır

Rusiya Prezidenti Vladimir Putin Çin Prezidenti Si Cinpinin ev sahibliyi edəcəyi Asiya-Sakit Okean İqtisadi Əməkdaşlıq Təşkilatının (APEC) Çin sammitində iştirak etməyi planlaşdırır. Lakin Rusiya Prezidenti ABŞ Prezidenti Donald Trampın qatılacağı ABŞ-da keçiriləcək G20 sammitində iştirak etməsi bir o qədər də inandırıcı görünmür. Oxuməni.az xəbər verir ki, bu barədə Bloomberg-in etibarlı mənbələrə istinadən yaydığı məlumatda deyilir.

APEC sammiti 18-19 noyabr tarixlərində Şençjendə keçiriləcək. G20 sammiti isə 14-15 dekabr tarixlərində Mayamidə keçiriləcək. Agentliyin Kremlə yaxın mənbələrinə görə, Vladimir Putin 2017-ci ildən bəri ilk dəfə APEC-də iştirak edəcək. Mənbələr onun Floridadakı tədbirə qoşulma ehtimalının "son dərəcə aşağı" olduğunu bildirirlər. Əvvəllər Kreml APEC sammitində ABŞ, Rusiya və Çin liderləri arasında üçtərəfli danışıqların mümkünlüyünü istisna etmirdi, lakin belə bir görüş hələ planlaşdırılmayıb.

Bloomberg mənbələrinə görə, Kreml G20 sammitindən əvvəl Rusiya-Ukrayna münaqişəsi ilə bağlı danışıqlarda hər hansı bir irəliləyiş gözləmir. Bundan əlavə, Rusiya rəhbərliyi getdikcə Amerika danışıqçıları - ABŞ prezidentinin elçiləri Stiv Vitkov və Cared Kuşnerdən məyus olur.

Əziz Mustafa