5 milyard sum kredit mənimsəməkdə ittiham olunan şəxs Türkiyədən Özbəkistana ekstradisiya edilib
5 milyard sum kredit mənimsəməkdə ittiham olunan Özbəkistan vətəndaşı Türkiyədən ekstradisiya edilib. İttiham üzrə maksimum cəza 10 il həbs cəzasıdır.
Oxuməni.az xəbər verir ki, bu barədə Özbəkistanın İstanbuldakı Baş Konsulluğunun məlumatında bildirilir. Qeyd edilir ki, öz ölkəsində külli miqdarda pul mənimsəməyə görə beynəlxalq axtarışda olan Özbəkistan vətəndaşı S. A. Türkiyədə saxlanılıb.
Baş Konsulluğun məlumatına görə, S. A. kredit vəsaitlərini mənimsəməklə dövlət büdcəsinə 5 milyard sum ziyan vurmuş ola bilər. İttihamlar Cinayət Məcəlləsinin 167-ci maddəsinin 3-cü hissəsi - mənimsəmə və ya israf etmə yolu ilə oğurluq - ilə irəli sürülür. Bu, 300-600 baza vahidi məbləğində cərimə, üç ilə qədər islah işləri və ya beş ildən on ilə qədər azadlıqdan məhrum etmə ilə cəzalandırılır.
Həmin şəxs Daşkəndə ekstradisiya edilərək sonrakı istintaq və prosessual tədbirlərin görülməsi üçün səlahiyyətli orqanlara təhvil verilib.
Əziz MUSTAFA
