Kadırov Çeçenistan rəhbəri seçkilərində 99,85% səs toplayıb
Çeçenistan Respublikasının hazırkı rəhbəri Ramzan Kadırov səslərin 100%-i hesablandıqdan sonra region rəhbəri seçkilərində qalib gəlir. Oxuməni. az xəbər verir ki, bu barədə Rusiya Mərkəzi Seçki Komissiyasının məlumatlarında qeyd olunub.
Onlayn tabloya əsasən, bütün bülletenlər hesablandıqdan sonra Ramzan Kadırov səslərin 99,85%-ni toplayıb. Digər iki namizədin hər biri isə 0,05% səs alıb.
Cari ildə Çeçenistan Respublikasının rəhbəri seçkilərində üç namizəd iştirak edib: respublikanın hazırkı rəhbəri Ramzan Kadırov ("Vahid Rusiya"), Çeçenistan Respublikası İctimai Palatasının sədri İsmayıl Denilxanov ("Ədalətli Rusiya") və Çeçenistan Respublikası Parlamentinin deputatı Xalid Nakayev (KPRF).
Xatırladaq ki, bu ilin iyun ayında Rusiya Prezidenti Vladimir Putin ona yenidən respublika rəhbəri seçilməyi tövsiyə etmişdi.
Almaz Həsənli
