ABŞ-ın Rusiyaya qarşı yeni sanksiyaları Çini qəzəbləndirir
Çin Rusiyaya qarşı sanksiyaları gücləndirən və İrana qarşı məhdudiyyətləri davam etdirən yeni ABŞ qanununu kəskin şəkildə tənqid edib.
Oxuməni.az xəbər verir ki, bu barədə Bloomberg-in yaydığı məlumat da deyilir. Çin Ticarət Nazirliyinin sözçüsü bildirib ki, ölkə birtərəfli və sözdə ikinci dərəcəli sanksiyalara qarşıdır. Onun sözlərinə görə, Pekin Birləşmiş Millətlər Təşkilatı tərəfindən sanksiyalaşdırılmayan və ya beynəlxalq hüquqa əsaslanmayan məhdudiyyətləri dəstəkləmir.
"Çin Vaşinqtonun növbəti addımlarını yaxından izləyəcək və suverenliyini, inkişaf maraqlarını və şirkətlərinin qanuni hüquqlarını qorumaq üçün bütün zəruri tədbirləri görmək hüququnu özündə saxlayır", - nazirliyin sözçüsü bildirib.
Çin nazirliyi həmçinin dialoq və məsləhətləşmələr yolu ilə ABŞ ilə sabit ticarət münasibətlərinə çağırıb.
ABŞ prezidenti Donald Tramp Rusiya neft məhsullarını alan ölkələrə tarifləri təsdiqləyən qanun imzaladı. Bu addım Rusiyaya qarşı müharibədə Vaşinqtondan daha güclü dəstək axtaran Ukraynada diqqətlə izlənilir.
ABŞ-ın yeni tarif məhdudiyyətləri Çin, Hindistan və ABŞ müttəfiqləri, o cümlədən Türkiyə də daxil olmaqla, Rusiya yanacağının ən çox alıcısı olan beş ölkəyə təsir göstərə bilər.
Qanun layihəsinin əleyhdarları xəbərdarlıq edirlər ki, sənəd hətta bütün Avropa İttifaqı üçün də tarif riski yaradır, çünki ayrı-ayrı AB ölkələri hələ də Rusiya enerji məhsullarını alır.
Əziz Mustafa
