Hərbi təlim poliqonunda baş verən partlayışda yeddi nəfər yaralanıb
İsveçin Karlsborq şəhərindəki təlim poliqonunda baş verən partlayışdan sonra yeddi hərbçi xəstəxanaya aparılıb. Oxuməni.az xəbər verir ki, bu barədə SVT-nin yaydığı məlumatda deyilir.
Yaralılardan beşi reanimasiyadadır. Kanalın mənbələri təlim poliqonunda partlayışın baş verdiyini təsdiqləyib. Lakin İsveç Silahlı Qüvvələri əsgərlərin yaralanmasına səbəb olan hadisənin mahiyyətini açıqlamayıb.
"Təlim poliqonunda hadisə baş verib. Təəssüf ki, hadisənin mahiyyətini təsdiqləyə bilmərəm", - deyə İsveç Silahlı Qüvvələrinin sözçüsü Mikael Ågren bildirib.
Xəstəxanaya yerləşdirilən hərbçilərin peşəkar əsgərlər olduğu təsdiqlənib. Ölkənin silahlı qüvvələri öz veb saytında yaralı əsgərlərin qəlpə yaraları aldığını bildirib. Əvvəllər İsveçin Rusiya ilə sərhədi patrul etmək üçün Finlandiyaya Gripen qırıcı təyyarələri və hərbi gəmiləri göndərəcəyi bildirilirdi. Döyüş təyyarələri və hərbi gəmilərlə yanaşı, İsveç lazım gələrsə, payızda əks-dron bölmələri də göndərə bilər.
Əziz MUSTAFA
