Rusiyada 9-cu Dövlət Dumasına deputat seçkiləri başlayıb

Rusiyada 9-cu Dövlət Duması seçkiləri və vahid səsvermə günlərində baş tutan digər seçki kampaniyaları üçün səsvermə başlayıb. İlk seçki məntəqələri Kamçatka və Çukotkada açılıb. Oxuməni.az xəbər verir ki, bu barədə Mərkəzi Seçki Komissiyasının açıqlamasında deyilir. Qeyd edilir ki, əsas səsvermə 18-20 sentyabr tarixlərində davam edəcək. Dövlət Dumasına 450 deputat seçiləcək: 225-i partiya siyahılarından, 225-i isə təkmandatlı seçki dairələrindən. Federal seçki bülletenində on partiya təmsil olunur.

Dövlət Duması seçkilərindən əlavə, regionlarda digər kampaniyalar da keçiriləcək. Xüsusilə, Rusiya Federasiyasının 39 subyektində qanunvericilik seçkiləri keçiriləcək və səkkiz regionda regional liderlər birbaşa səsvermə yolu ilə seçiləcək. Daha üç regionda regional parlamentlər subyektlərin rəhbərlərini seçəcək.

Seçicilər kağız bülletenlə, məsafədən və ya olduqları yerdə səs verə biləcəklər. 33 bölgədə məsafədən elektron səsvermə təşkil edilib: 32 bölgə federal sistemdən istifadə edir, Moskvanın isə öz regional platforması var.

Xaricdəki Rusiya vətəndaşları üçün seçki məntəqələri yaradılıb. Bundan əlavə, mövcud şəraitə görə işğal altında olan qondarma Donetsk Xalq Respublikası (DXR), Luqansk Xalq Respublikası (LXR), Zaporojye və Xerson vilayətləri üçün xüsusi səsvermə prosedurları müəyyən edilib.

VTsIOM sorğularına görə, rusların əksəriyyəti təxminən 32% dəstək reytinqi ilə Vahid Rusiya partiyasını dəstəkləyir.

Əziz MUSTAFA