ABŞ Ali Məhkəməsi Trampın poçtla səsverməyə qoyduğu məhdudiyyətləri rədd edib

ABŞ Ali Məhkəməsi noyabrda keçiriləcək aralıq seçkiləri ərəfəsində ABŞ Prezidenti Donald Tramp administrasiyasının seçicilərə bülletenlərin poçt vasitəsilə göndərilməsi qaydasını dəyişdirən normativ aktının icrasını dayandırıb. Oxuməni.az xəbər verir ki, bu barədə Associated Press News məlumat yayıb.

“Vəsatət rədd edilir. Hökumətin dairə məhkəməsinin ilkin qadağasına etirazında mahiyyəti üzrə uğur qazanacağı ehtimalı azdır”, – məhkəmənin qərarında deyilir.

Administrasiyanın tələblərinə əsasən, seçici siyahıları ünvanların yoxlanılması üçün ştatlar tərəfindən ABŞ Poçt Xidmətinə təqdim edilməli idi. Eyni zamanda, quruma ştatlar tərəfindən seçici siyahılarına daxil olmayan şəxslərə göndərilən bülletenləri çatdırmaq qadağan edilirdi. Bundan əlavə, bülletenlərin olduğu zərflərdə izləmə üçün ştrix-kodlardan istifadə edilməsi tələb olunurdu.

CNN-in diqqət çəkdiyi kimi, məhkəmə “ABŞ Poçt Xidmətinə poçtla göndərilən potensial olaraq milyonlarla bülleteni saxlamaq üçün görünməmiş səlahiyyətlər verəcək proseduru bloklayıb”.

Tramp dəfələrlə poçt vasitəsilə səsvermənin əleyhinə çıxış edib. O, sözügedən normativ aktı seçki prosesini saxtakarlıqdan qorumağa yönəlmiş tədbir kimi təqdim edib.

Almaz Həsənli