Trampın Respublikaçılar Partiyası seçicilər arasında nüfuzunu itirməkdə davam edir

ABŞ-ın İrana qarşı müharibəsi başlayandan bəri Respublikaçıların dəstəyi azalır və bunu rəy sorğuları da sübut edir.

Konqres seçkiləri bu gün keçirilsəydi, hansı partiyaya səs verəcəkləri soruşulduqda, respondentlərin 44%-i Demokratları, 37%-i isə Respublikaçıları seçib. Oxuməni.az xəbər verir ki, bu barədə Vaşinqton Post-un məlumatında deyilir. Qeyd edilir ki, yeddi faizlik fərq Trampın 2025-ci ilin yanvar ayında Ağ Evə qayıtmasından bəri nüfuzunu itirdiyini göstərir. Seçicilər həmçinin Demokratlara iqtisadi idarəetmədə bir az üstünlük veriblər: 38%-i Demokratların bu məsələdə daha yaxşı olduğuna inanır, 37%-i isə Respublikaçıları dəstəkləyirdi.

Trampın Vaşinqtondakı tikinti layihələri, xüsusən də Ağ Evin bal salonu, amerikalıları əhəmiyyətli dərəcədə qütbləşdirib və münasibətlər partiya xətləri üzrə açıq şəkildə bölünüb. Sorğuda iştirak edən Demokratlar arasında 91%-i bu planlara qarşı çıxıb, respublikaçıların təxminən dörddə biri isə buna etiraz edib. Respondentlərin yarısı da daxil olmaqla, amerikalıların təxminən üçdə ikisi bu tikinti layihələrini aşağı prioritet hesab edir.

ABŞ-da ara seçkilər 3 noyabrda keçiriləcək. Amerikalılar yeni Nümayəndələr Palatasını və Senatın bir hissəsini seçəcəklər. Respublikaçılar Partiyası üçün Konqresin hər iki palatası üzərində nəzarəti saxlamaq əsas məqsəd olacaq.

Əziz MUSTAFA