Kanada ilə Ukrayna arasında pilotsuz təyyarələrin birgə istehsalına başlamaq barədə sənəd imzalanıb
Prezident Vladimir Zelenskinin cümə axşamı Kanadaya səfəri zamanı iki ölkə arasında pilotsuz təyyarələrin birgə istehsalına başlamaq üçün sənəd imzalanıb. Oxuməni.az xəbər verir ki, bu barədə Zelenski Kanadanın baş naziri Mark Karni ilə keçirdiyi mətbuat konfransına deyib.
Zelenski bildiirb ki, cümə axşamı, sentyabrın 10-da ölkələr Drone sazişinin imzalanması istiqamətində ilk addımı atıblar və Kiyev bu ayın sonunda saziş bağlamağı gözləyir.
"Biz birinci hissəni imzaladıq və komandalarımız dedilər ki, 90 gün ərzində pilotsuz təyyarə ilə bağlı müqavilə bağlaya bilərik. Mark: "Bunu 9 günə etmək olarmı?" deyə soruşdu və komandalar dərhal cavab verdi: "Bəli, əlbəttə ki, əla təklifdir və buna görə də hesab edirəm ki, daha böyük nəticələr əldə edə biləcəyimiz görüşlər keçirməliyik", - prezident deyib.
Öz növbəsində Kanadanın baş naziri Karni ölkəsinin dron istehsalını artıracağını, pilotsuz təyyarələrin üçdə birinin Ukraynaya veriləcəyini bildirib. Prezident Zelenski də Ukraynanın pilotsuz təyyarələrin 30%-ni alacağını təsdiqləyib və Kiyevin sentyabrın sonunda bununla bağlı böyük saziş bağlamaq niyyətində olduğunu bildirib.
Xatırladaq ki, Kanadanın baş naziri Mark Karni ölkəsinin Ukrayna üçün hava hücumundan müdafiə sistemləri üçün ələ keçirən raketlərin alınmasına 270 milyon dollar ayırdığını açıqlamışdı.
Eyni zamanda sentyabrın 10-da Ukrayna və Kanada arasında 100 illik tərəfdaşlıq bəyannaməsi imzalanıb. Sənəd ikitərəfli münasibətləri hərtərəfli strateji müttəfiqlik səviyyəsinə çatdırır və uzunmüddətli dəstəyi təmin edir.
Əziz MUSTAFA
