Türkiyə müdafiə xərclərini rekord səviyyədə artırmağı planlaşdırır

11:05

Bəyəndim (0) Bəyənmədim (0)

Türkiyə 2027-2029-cu illər üçün Orta Müddətli Proqram çərçivəsində müdafiə maliyyələşdirməsini əhəmiyyətli dərəcədə artırmağı planlaşdırır. Eyni zamanda, Ankara öz müdafiə sənayesini gücləndirmək və idxal olunan texnologiya və silahlardan asılılığını azaltmaq niyyətindədir. Oxuməni.az xəbər verir ki. bu barədə TRT Haber məlumat yayıb.

Türkiyənin vitse-prezidenti Cevdet Yılmaz ölkənin 2027-2029-cu illər üçün Orta Müddətli Proqram çərçivəsində müdafiə xərclərini 229% artıracağını açıqladı. O, Ankaranın öz müdafiə sənayesi texnologiyalarını inkişaf etdirməyi, ölkənin ehtiyaclarını müstəqil şəkildə ödəməyi və yüksək əlavə dəyərli məhsullar istehsal etməyi hədəflədiyini bildirdi.

Yılmaz müdafiə və təhlükəsizliyin Türkiyənin iqtisadi inkişafı üçün əsas şərtlərdən biri olduğunu vurğuladı. Buna görə də, o, büdcə vəsaitlərinin dövlətin strateji ehtiyaclarına uyğun olaraq ayrılacağını bildirdi. Ankara həmçinin tədqiqat və inkişaf, istehsal və innovasiya imkanlarını təkcə müdafiə sektorunda deyil, həm də tibbi texnologiya, yarımkeçiricilər və süni intellekt də daxil olmaqla vacib sahələrdə artırmağı planlaşdırır.

Əziz MUSTAFA