Putin Ukrayna ilə bağlı güzəştə getməkdən imtina edib

Putin Ukraynaya qarşı müharibəni bitirmək üçün əhəmiyyətli güzəştlərə getməyə hazır deyil. ISW hesab edir ki, Kreml cəbhədəki vəziyyətin təhrif olunmuş qiymətləndirilməsinə əsaslanaraq məqsədlərinə hərbi nailiyyət əldə etməyə davam edir. Oxuməni.az xəbər verir ki, bu barədə Müharibə Tədqiqatları İnstitutunun (ISW) nəşri bəyan edib.

ISW Putinin ABŞ Prezidentinin xüsusi elçisi Stiv Vitkov və Cared Kuşnerlə görüşündən sonra verdiyi açıqlamaları təhlil edib. Analitiklərin fikrincə, Moskva Rusiya liderinin 2024-cü ilin iyun ayında səsləndirdiyi tələblərə əməl etməyə davam edir. Bu tələblər Ukrayna qüvvələrinin Rusiya ordusunun nəzarətində olmayan ərazilər də daxil olmaqla Luqansk, Donetsk, Zaporojye və Xerson bölgələrindən tamamilə çıxarılmasını tələb edir. Tələblərə həmçinin Ukraynanın "demilitarizasiyası" və "denazizasiyası", eləcə də ölkənin NATO-ya qoşulmaqdan imtinası daxildir.

ISW qeyd edir ki, Putinin köməkçisi Yuri Uşakovun Amerika nümayəndə heyəti ilə danışıqlardan sonra verdiyi açıqlama "Kremlin əvvəlki kimi Rusiyanın maksimalist tələbləri ilə bağlı hər hansı əhəmiyyətli güzəştə getmək istəmədiyini göstərir".

Əziz MUSTAFA