İsrail qüvvələri Qəzzada HƏMAS-ın daxili təhlükəsizlik xidmətinin rəhbərini həbs edib

İsrail qüvvələri Qəzza zolağında evinin yaxınlığında HƏMAS-ın daxili təhlükəsizlik xidmətinin rəhbərini həbs ediblər. Saxlanılan şəxsin adı açıqlanmayıb. Qrupun lideri artıq İsrailə köçürülüb və tezliklə orada dindiriləcək. Oxuməni.az xəbər verir ki, bu barədə baş nazir Netanyahu Teleqram-da bildirib.

Baş nazir Telegram-da yazıb: "O, HƏMAS-ın ən yüksək vəzifəli liderlərindən biridir və girovlarımızı gizlətmək və başqa yerə köçürmək, HƏMAS-ın yüksək vəzifəli liderlərinə sığınacaq vermək, eləcə də potensialı artırmaq və terror təşkilatının imkanlarını bərpa etməyə çalışmaqdan məsul idi".

Cənab Netanyahunun sözlərinə görə, həbsindən bir müddət əvvəl qrup lideri Qəzzada HƏMAS-ın hakimiyyətini bərpa etməyə cəhd edib və zolağın tərksilah edilməsinə mane olub. Bundan əlavə, o, İsrail ordusuna və mülki əhaliyə qarşı terror hücumları planlarını təbliğ edib.

"The Jerusalem Post" qəzeti İsrail rəsmilərinə istinadən bildirir ki, saxlanılan şəxs HƏMAS-ın təhlükəsizlik idarəsinin rəhbəri Muin əl-Ərəbid ola bilər.

Əziz Mustafa