Finlandiya Ukraynanın hava hücumundan müdafiəsini gücləndirmək niyyətindədir

Finlandiya Rusiyanın ənənəvi olaraq vacib infrastruktura zərbə endirməyə çalışdığı qışdan əvvəl Ukraynanın hava hücumundan müdafiəsini gücləndirmək niyyətindədir.

Oxuməni.az xəbər verir ki, "Biz Ukraynayıq" layihəsinə müsahibəsində Finlandiya Prezidenti Aleksandr Stubb Ukrayna səmasının qorunmasının Kiyevin müttəfiqləri üçün əsas prioritet olaraq qalmalı olduğunu vurğuladı.

Stubbun sözlərinə görə, o, bu məsələni artıq Ukrayna Prezidenti Volodimir Zelenski ilə müzakirə edib. Helsinki həmçinin Finlandiyada hələ də mövcud olan hava hücumundan müdafiə aktivlərinin bir hissəsini Ukraynaya təhvil verməyə hazırdır.

"Biz Ukraynaya Finlandiyada qalan bəzi vacib hava hücumundan müdafiə aktivlərini verəcəyik", - deyə Stubb bildirib.

Finlandiya prezidenti hansı silahlardan danışdığını dəqiqləşdirməyib. O, qışın yaxınlaşması Ukraynaya dəstəyi xüsusilə vacib etdiyini izah edib. Xüsusilə, Stubb Ukraynanın enerji infrastrukturunun qorunmasında və onu generatorlar və dizel mühərrikləri ilə təmin etməkdə kömək istədi. O bildirib ki, müttəfiqlər növbəti qışın ukraynalılar üçün "əsl zərbə"yə çevrilməməsi üçün mümkün olan hər şeyi etməlidirlər.

Finlandiya prezidenti həmçinin Rusiyanın ballistik raket istehsalındakı əhəmiyyətli imkanlarını xatırladıb. O bildirib ki, Ukrayna üçün əlavə tutucu qurğuların axtarışı davam edir. "Patriot sistemləri dünyanın müxtəlif yerlərində, təkcə Avropada deyil, həm də Yaxın Şərqdə və ABŞ-da mövcuddur", - Stubb qeyd edib.

Əziz MUSTAFA