Estoniya Latviyada yeni silah zavodu tikəcək

Estoniya şirkəti Wolfram Europa Jekabpils yaxınlığında silah zavodunun tikintisinə 200 milyon avro sərmayə qoyur. Zavodun 2027-ci ildə açılması planlaşdırılır. Oxuməni.az xəbər verir ki, bu barədə Estoniya Müdafiə nazirliyinin açıqlamasında deyilir.

Estoniya şirkəti Wolfram Europa Latviyada böyük bir müdafiə müəssisəsi tikməyi planlaşdırır. ERR-in məlumatına görə, zavod Jekabpils yaxınlığında yerləşəcək və layihəyə ümumi investisiya təxminən 200 milyon avro olacaq.

İstehsalın 2027-ci ildə başlanması planlaşdırılır. Zavod partlayıcı maddələrin sintezi, eləcə də döyüş başlıqları və tutucu qurğuların istehsalı üzrə ixtisaslaşacaq.

İlkin hesablamalara görə, tam fəaliyyətə başladıqdan sonra zavod ildə təxminən 100.000 tank əleyhinə mina və 200.000 döyüş başlığı istehsal edə biləcək. Layihənin həmçinin təxminən 200 yüksək ixtisaslı iş yeri yaratması gözlənilir.

Latviyanın İqtisadiyyat naziri Viktor Valainis investisiyanı ölkənin müdafiə sənayesi üçün vacib bir addım adlandırdı. "Bu böyüklükdə investisiya Latviya müdafiə sənayesinin inkişafında əhəmiyyətli bir addımdır", - deyə rəsmi vurğuladı.

Onun sözlərinə görə, Riqa ölkənin təhlükəsizliyini gücləndirəcək, iş yerləri yaradacaq və iqtisadi artımı dəstəkləyəcək "rəqabətədavamlı, ixrac yönümlü müdafiə sənayesi" yaratmağa çalışır.

Daha əvvəl bildirilmişdi ki, Latviyanın pilotsuz sistemlər istehsalçısı NEWT21 şirkəti FOG və RAY dəniz dronlarının prototip mərhələsindən seriyalı istehsala keçirilməsi layihəsini başa çatdırıb.

Əziz Mustafa