Suriya və İsrail bir sıra İsrail hava zərbələrindən sonra danışıqlar aparıb

Suriya və İsrail nümayəndə heyətləri ABŞ-ın vasitəçiliyi ilə İordaniyada danışıqlar aparıb.

Oxuməni.az xəbər verir ki, bu barədə Suriyanın dövlət agentliyi SANA Xarici İşlər Nazirliyindəki mənbəyə istinadən məlumat yayıb.

Xarici işlər naziri Əsəd Həsən əş-Şeybaninin rəhbərlik etdiyi Suriya nümayəndə heyətinin tərkibinə kəşfiyyat xidmətlərinin rəhbərləri də daxil olub. Tərəflər İsrailin Suriya ərazisinə zərbələri hansı şərtlərlə dayandıra biləcəyini müzakirə ediblər. Təhlükəsizlik sazişinin bağlanması üçün danışıqların bərpası məsələsi qaldırılıb. Nümayəndə heyətləri, həmçinin Türkiyə-İsrail gərginliyinin Suriyaya yayılmasının qarşısını almaq üçün tədbirləri müzakirə ediblər.

Bu danışıqlar İsrailin avqustun 18-də Suriyanın Əbu-əd-Duhur aviabazasına zərbə endirməsindən sonra baş tutub. İsrail hakimiyyəti iddia edir ki, üç ölkə arasındakı razılaşmalara zidd olaraq Türkiyənin öz qoşunlarını oraya yerləşdirmək planlarına görə həmin obyektə zərbə endirib. Türkiyəli rəsmi şəxs "Axios"a verdiyi açıqlamada Ankaranın belə bir planının olmadığını bildirib. Bir gün əvvəl Suriyanın xarici işlər naziri İsraillə əlaqələrin kəsildiyini bəyan etmişdi.

Almaz Həsənli