Qazaxıstanda keçirilən parlament seçkilərində hökumətyönlü partiya parlamentdə böyük səs çoxluğu əldə edib

Qazaxıstanda keçirilən növbədənkənar parlament seçkilərində növbəti dəfə hökumətyönlü Ədalət partiyası böyük səs çoxluğu qazanıb. Oxuməni.az xəbər verir ki, bu barədə “Reuters”in yaydığı məlumatda deyilir. Qazaxıstan dövlət mediasının dərc etdiyi üç fərqli exit-poll nəticələrinə görə, Ədalət partiyası 74%-dən çox iştirakla 70%-72% səs toplayıb. Seçkilərdə Tokayevi qeyri-rəsmi şəkildə dəstəkləyən dörd kiçik müxalifət partiyası da parlamentdə yer qazanıb.

“Ədalət” partiyası bu il prezidentin ən yaxın müşavirləri tərəfindən yaradılıb və o, tez bir zamanda keçmiş hakim Əmanət partiyası üzvlərini də ğztərəfinə çəkib. Ədalətin qələbəsi, ehtimal ki, Tokayevin sələfi Nursultan Nazarbayevlə daha yaxından əlaqəli fiqurlar hesabına ölkə üzərində nəzarətini dərinləşdirəcək.

Keçmiş sovet diplomatı və BMT rəsmisi olan Tokayev 2019-cu ildən Mərkəzi Asiyanın ən böyük iqtisadiyyatına rəhbərlik edir, Qərb, Rusiya və Çinlə eyni vaxtda isti münasibətlər saxlayır.

Növbədənkənar seçkilər bu il ikipalatalı parlamenti birpalatalı parlamentə çevirən yeni konstitusiya qəbul edildikdən sonra təyin edilib. Qazaxıstanın Ali Məhkəməsi ötən ay yeni konstitusiyaya görə Tokayevə yeni 7 illik müddətə namizədliyini irəli sürməyə icazə verdiyi barədə qərar çıxarıb. Tokayev 1991-2019-cu illərdə ölkəyə rəhbərlik etmiş müstəqil Qazaxıstanın qurucusu Nazarbayevin seçilmiş varisi kimi hakimiyyətə gəlib. Onlar arasında münaqişə 2022-ci ildə baş verən iğtişaşlardan sonra baş verib və Tokayev bunu Nazarbayevin müttəfiqlərinin dövlət çevrilişinə cəhd adlandırıb.

Astanada səsvermə zamanı Tokayev jurnalistlərə deyib ki, daha bir müddətə namizəd olub-olmayacağı barədə danışmaq hələ tezdir. O, həmçinin yaxın 7-10 gün ərzində vitse-prezidentliyə namizədi, yeni konstitusiya ilə yaradılan yeni vəzifəni elan edəcəyini və bunun "tanınmış" bir şəxs olacağını söylədi.

Qazaxıstanın Ukrayna və Rusiyaya qarşı mövqeyi son aylarda çox diqqət çəkib. May ayında ölkə Rusiyanın “Qazprom” şirkətindən Ukraynanın “Naftoqaz” şirkətinin xeyrinə 1,4 milyard dollar geri almağa imkan verən məhkəmə qərarını yerinə yetirməkdən imtina edib.

İyul ayında isə prezident Tokayev Putinlə şəxsi görüşündə Ukraynaya qarşı müharibəni “dondurmağı” və 2022-ci ildə İstanbul danışıqlarının şərtlərinə qayıtmağı tövsiyə etdi. ISV analitiklərinin fikrincə, Putin bu çağırışdan müharibənin davam etdirilməsinə haqq qazandırmaq üçün öz məqsədləri üçün istifadə edib.

Əziz MUSTAFA