Türkiyə Misirin Məkkə Sazişinə qoşulmasını gözləyir

Türkiyə Misirin Ankara, Ər-Riyad və İslamabad arasında bağlanmış Məkkə Sazişinə qoşulmasında maraqlıdır. Oxumən.az-ın məlumatına görə, bu barədə Türkiyənin xarici işlər naziri Hakan Fidan Əl-Ələmeyn şəhərində misirli həmkarı Bədr Əbdül Ata ilə görüşündən sonra bildirib.

Diplomat qeyd edib ki, "Biz bu məsələni əvvəldən misirli qardaşlarımızla müzakirə edirik".

Onun sözlərinə görə, Misirin sazişə qoşulması ətraflı nəzərdən keçirilir. Fidan regional məsələlərin həllində iki ölkə arasında sıx əməkdaşlığı vurğulayıb və Misirin bu təşəbbüs çərçivəsində tezliklə rəsmi tərəfdaşlığına ümid etdiyini bildirib. O, həmçinin Məkkə Sazişinin üçüncü tərəfləri ədavətə yönəltmədiyini də aydınlaşdırıb.

7 avqustda Məkkə Sazişləri Səudiyyə Ərəbistanının vəliəhd şahzadəsi Məhəmməd bin Salman, Türkiyə prezidenti Rəcəb Tayyib Ərdoğan və Pakistanın baş naziri Şahbaz Şərif tərəfindən imzalanıb. Sazişin şərtlərinə görə, imza atan dövlətlərdən birinə edilən hər hansı bir hücum alyansın bütün üzvlərinə edilən hücum hesab ediləcək.

Əvvəllər Məkkə Sazişlərinin öhdəliklərinin NATO-nun 5-ci maddəsi ilə üst-üstə düşdüyü bildirilirdi.

Əziz Mustafa