Çində "Dolfin" qasırğası səbəbindən 1 milyondan çox insan təxliyə edilib
Çinin şərqinə çatan güclü "Dolfin" qasırğası 1 milyondan çox insanın təxliyə olunmasına səbəb olub. Oxuməni.az xəbər verir ki, bu barədə "Euronews" məlumat yayıb.
Ən çox sakin Çjetszyan əyalətinin Vênçjou şəhərində evlərini tərk etmək məcburiyyətində qalıb. Onlar 1,5 min sığınacaqda yerləşdiriliblər. Bundan əlavə, Şanxayın iki əsas hava limanında 1400-ə yaxın, Hançjou hava limanında isə 270 reys təxirə salınıb.
Bazar ertəsi səhərə qədər "Dolfin" zəifləyib və ona tropik qasırğa kateqoriyası verilib; buna qədər o, tayfun kimi təsnif edilirdi. Bazar günü, Çin ərazisinə çatdığı zaman küləyin sürəti saatda 150 km-ə çatırdı.
Bu arada, yerli hakimiyyət orqanları yüksək – "narıncı" – hava təhlükəsi səviyyəsini qüvvədə saxlayıb və çərşənbə gününədək daşqınlara səbəb ola biləcək güclü yağışlar barədə xəbərdarlıq edib.
Çin meteoroloji xidmətlərinə görə, yaxın günlərdə bəzi bölgələrdə yağıntının miqdarı 400 mm-ə çata bilər.
Almaz Həsənli
.jpg)
