"Patriot"un yaradıcıları Kiyevin onların raketlərini təkmilləşdirəcəyindən qorxurlar

"Patriot" zenit-raket komplekslərinin (ZRK) amerikalı istehsalçıları – "Raytheon" və "Lockheed Martin" ehtiyat edirlər ki, Ukrayna lisenziya alacağı təqdirdə, аntibalistik raketləri təkmilləşdirməyin bir yolunu tapacaq, daha sonra isə onları "ABŞ-dakı istehsal xətləri"ndən daha sürətlə, daha böyük həcmdə və qat-qat aşağı xərclərlə istehsal etməyə başlayacaq. Oxuməni.az xəbər verir ki, bu barədə "The Atlantic" nəşri Kiyevə lisenziya verilməsini dəstəkləyən ABŞ Konqresindəki respublikaçılardan birinə istinadən yazır.

Eyni zamanda, o qeyd edib ki, Amerika müdafiə şirkətləri öz narahatlıqlarını "rəsmi olaraq intellektual mülkiyyətin oğurlanması və texnologiyaların ötürülməsi ilə əsaslandıracaqlar".

Avqustun 8-də Ukrayna Prezidenti Volodimir Zelenski bildirib ki, müharibənin ilk ilində o, ABŞ prezidenti postunu tutan Co Baydendən ona "Patriot" üçün lisenziya verməsini istəyib. "İndi biz prezident Trampla onun bu lisenziyaları verəcəyinə dair razılığa gəlmişik, lakin təsəvvür edin, əgər biz onları dörd il əvvəl almış olsaydıq", - deyə Zelenski qeyd edib.

"Amma indi biz kağız-kuğur işləri ilə məşğuluq. Bizə isə kağız parçası və ya kağız raket deyil, insanları öldürən əsl raketlər atılır, - deyə Ukrayna lideri vurğulayıb. - Ona görə də, əgər biz amerikalıların bunları təmin etməli olduğunu deyiriksə, avropalılar da eyni şeyi etməlidirlər – axı biz onlarla da bəzi lisenziyalarla bağlı məsələnin həlli üzərində çoxdan işləyirik".

"The Atlantic"in məlumatına görə, Ukrayna Rusiya ilə müharibə bitməmişdən əvvəl belə ABŞ-da istifadə üçün və ya Vaşinqtonun müttəfiqlərinə və tərəfdaşlarına yenidən satmaq üçün artıq "Patriot" partiyaları istehsal edə bilərdi – bəlkə də Birləşmiş Ştatlar üçün əsas problem məhz bundadır.

Avqustun 6-da jurnalistin Vaşinqtonun Kiyevə "Patriot" zenit-raket kompleksi üçün əlavə raket-ələyicilər və onun kəskin ehtiyac duyduğu uzaqmənzilli raketləri verib-verməyəcəyi ilə bağlı sualına ABŞ Prezidenti Donald Tramp belə cavab verib: "Bizim özümüzün də raketlərə ehtiyacımız var".

Almaz Həsənli