Ukrayna dronları Qara dənizdə Rosatom-un "Yanina" gəmisini batırdı

Rusiyanın "Yanina" konteyner gəmisi Ukrayna dronlarının hücumundan sonra Qara dənizdə batdı. Gəmi Rosatom-un törəmə müəssisəsi olan FESCO-ya məxsus idi.

Bu barədə Oxuməni.az Rosatom-un sənaye nəşri olan "Strana Rosatom"a və Ukrayna Prezidenti Volodimir Zelenskinin açıqlamasına istinadən məlumat verib.

Rusiya tərəfinin məlumatına görə, hücum Novorossiyskdən təxminən 130 dəniz mili məsafədə baş verib. İki Ukrayna dronu Rosatom-un törəmə müəssisəsi olan FESCO nəqliyyat şirkətinə məxsus "Yanina" gəmisinə hücum edib.

Rosatom-un baş direktoru Aleksey Lixaçev bildirib ki, "Yanina" qidadan tikinti materiallarına qədər mülki yük daşıyan "adi dinc konteyner gəmisi"dir.

Onun sözlərinə görə, gəmi zədələndikdən sonra batmağa başlayıb, lakin 17 heyət üzvünün hamısı xilas edilib.

Bu arada Ukrayna Prezidenti Volodimir Zelenski "Yanina"nın batdığını təsdiqləyib. O bildirib ki, Ukrayna qüvvələri Rusiyanın müharibə səylərini dəstəkləyən hədəfləri vurub.

"Bu gecə orta zərbələr endirilib - Qara dəniz və Azov dənizi sularında zərbə endirilib. Rusiya bayrağı altında üzən və 100.000 tondan çox tutuma malik sanksiya edilmiş Rusiya konteyner gəmisi "Yanina" da zərbə endirilib. Müdafiə Qüvvələrimizin dəqiqliyi sayəsində o, batıb."

Xatırladaq ki, 1 avqust gecəsi Ukrayna Silahlı Qüvvələrinin Baş Qərargahı Krım və Qara dənizdəki Rusiya hərbi obyektlərinə bir sıra uğurlu zərbələr endirildiyini bildirib.

Xüsusilə, pilotsuz dəniz qayıqları üçün anbar, iki dəmir yolu körpüsü, Rusiya Qara dəniz Donanmasının radioelektron kəşfiyyat bölməsi, təmir və bərpa bazası, eləcə də işğalçılara məxsus dronlar və logistika avadanlıqları üçün anbarlar zərbələrə məruz qalıb.

Əziz Mustafa