İsveçrə məhkəməsi Lombard Odier bankınının 488 milyon dollarlıq aktivlərini müsadirə edib

İsveçrənin Federal Cinayət Məhkəməsi Özbəkistanın ilk prezidentinin böyük qızı Gülnarə Kərimovanın çirkli pulların yuyulmasının qarşısını almadığına görə Lombard Odier özəl bankını 3 milyon İsveçrə frankı (3,68 milyon dollar) məbləğində cərimələyib Oxuməni.az-ın yaydığı məlumata görə, bu barədə Reuters xəbər verir.

2026-cı ilin aprelində başlayan məhkəmə prosesi ittiham tərəfinin cinayət yolu ilə əldə edildiyini iddia etdiyi yüz milyonlarla dolların yuyulması ilə bağlı araşdırma aparıb. İsveçrə prokurorları Kərimovanı rüşvət almaqda və "Ofis" kimi tanınan cinayətkar təşkilata rəhbərlik etməkdə ittiham ediblər. Müstəntiqlərin sözlərinə görə, bu təşkilat 2005-2013-cü illər arasında İsveçrə hesablarına külli miqdarda pul köçürüb. Kərimova hər hansı qanun pozuntusunu inkar edir.

Məhkəmə bildirib ki, Cenevrədə yerləşən Lombard Odier bankı və onun yalnız C. kimi tanınan keçmiş işçisi Kərimovanın cinayətkar fəaliyyətindən əldə etdiyi gəlirləri gizlətməyə kömək ediblər. Məhkəmənin qərarında bankın çirkli pulların yuyulmasının qarşısını almaq üçün "bütün ağlabatan və zəruri təşkilati tədbirləri görmədiyinə" görə cərimələnib.

Lombard Odier-in keçmiş hesab meneceri çirkli pulların yuyulmasında təqsirli bilinib və 24 ay müddətinə şərti həbs cəzasına məhkum edilib. Müstəntiqlərin sözlərinə görə, bu işçi Kərimovanın çirkli pulların yuyulması sxemində əsas rol oynayıb. O, çirkli pulların yuyulması üçün istifadə edilən "Ofis" üçün doqquz hesab açıb.

Cərimə ilə yanaşı, məhkəmə 400 milyon İsveçrə frankından (488 milyon dollardan çox) çox dəyərində aktivlərin müsadirə edilməsini əmr etdi.

Bu arada, 2023-cü ilin sentyabr ayında İsveçrə Baş Prokurorluğu Kərimovaya qarşı Federal Cinayət Məhkəməsinə ittiham irəli sürüb və Özbəkistanın ilk prezidentinin qızının cinayətkar fəaliyyət yolu ilə əldə etdiyi iddia edilən 440 milyon İsveçrə frankının (CHF) müsadirə edilməsini tələb edib. Müstəntiqlər ümumilikdə 780 milyon İsveçrə frankı dəyərində nağd pul və daşınmaz əmlak aktivləri aşkar ediblər. Bu vəsaitlərin 340 milyon İsveçrə frankı artıq Özbəkistana qaytarılıb

Əziz Mustafa