Türkiyə vətəndaşları üçün pis xəbər, Monteneqroya getmək üçün viza tələb olunacaq
Monteneqro AB-yə uyğunlaşma prosesinin bir hissəsi olaraq viza siyasətində dəyişiklik edib. Oxuməni.az-ın Türkiyə mətbuatına istinadən verdiyi xəbərə görə, yeni qaydaya əsasən, Türkiyə də daxil olmaqla beş ölkənin vətəndaşlarından 1 noyabr 2026-cı il tarixindən etibarən Monteneqroya daxil olmaq üçün viza almaları tələb olunacaq.
Monteneqro Xarici İşlər Nazirliyi Avropa İttifaqı (AB) ilə üzvlük danışıqlarının bir hissəsi olaraq viza rejimində dəyişikliklər elan edib.
Yeni qaydaya əsasən, Türkiyə, Çin, Rusiya, Səudiyyə Ərəbistanı və Belarus vətəndaşlarından 1 noyabr 2026-cı il tarixindən etibarən Monteneqroya daxil olmaq üçün viza almaları tələb olunacaq.
Monteneqro Xarici İşlər Nazirliyinin açıqlamasında qeyd olunub ki, ölkənin viza siyasəti Avropa İttifaqının siyasəti ilə tam uyğunlaşdırılıb. Bu addım, deyildiyi kimi, AB-yə üzvlük danışıqlarının 24-cü fəslinin bağlanması üçün son meyarlardan birini yerinə yetirir.
Monteneqro hökuməti tərəfindən dərc edilən qaydaya əsasən, yuxarıda sadalanan beş ölkənin vətəndaşları oktyabr ayının sonuna qədər mövcud viza rejimindən istifadə etməyə davam edə biləcəklər. Yeni viza tələbi 1 noyabr 2026-cı ildə qüvvəyə minəcək.
Keçən ilin sonlarında, 27 oktyabr 2025-ci ildə paytaxt Podqoritsada baş verən hadisələr və etirazlardan sonra Monteneqro hökuməti Türkiyə vətəndaşları üçün vizasız səyahəti müvəqqəti olaraq dayandırdı.
23 dekabr 2025-ci ildə hökumət bu qərarı ləğv etdi, lakin Türkiyə vətəndaşları üçün vizasız qalma müddətini 90 gündən 30 günə endirdi.
Monteneqro, Avropa Birliyi ilə üzvlük danışıqlarının bir hissəsi olaraq, 2028-ci ilə qədər AB-nin 28-ci üzvü olmağı hədəfləyir.
Əziz Mustafa
