Yaponiyada 7,1 bal gücündə zəlzələ baş verib, sunami xəbərdarlığı edilib
Yaponiyanın cənub-qərbində yerləşən Kyuşu adasındakı Kumamoto prefekturası 7,1 bal gücündə güclü zəlzələ ilə sarsılıb. Yaponiya hökuməti zəlzələlərdən sonra bölgənin prefekturalarında fövqəladə vəziyyət elan edib.
Oxuməni.az-ın yaydığı məlumata görə, bu barədə Yaponiya Meteorologiya Agentliyinin verdiyi xəbərdə deyilir. İlkin hesablamalara görə, 7,1 bal gücündə güclü zəlzələdən dərhal sonra fövqəladə vəziyyət elan edilib. Hakimiyyət orqanları sahil zonalarında yaşayan sakinləri dərhal sahil xəttini tərk etmələri, yüksək və təhlükəsiz yerlərə təxliyə etmələri və həyati təhlükə səbəbindən təkrar təkanlara qarşı ayıq olmaları barədə xəbərdar etdi.
Zəlzələnin episentri olan Kyuşu adası və ətraf ərazilər üçün təcili zəlzələ xəbərdarlığı verildi. Yaponiya hökuməti tərəfindən həyəcan siqnalı verilən prefekturalara Kumamoto, Naqasaki, Kaqoşima, Fukuoka, Saqa, Oita və Miyazaki daxildir.
Bölgədəki sakinlərə mümkün təkrar təkanlar barədə xəbərdarlıq edilib, lakin rəsmilər zəlzələnin insan tələfatına və ya struktur ziyanına səbəb olub-olmadığı barədə hələlik qəti açıqlama verməyiblər. Axtarış-xilasetmə əməliyyatları və ziyanın qiymətləndirilməsi davam edir.
Əziz Mustafa
