Süni intellekt ən qədim riyazi fərziyyələrdən birini təkzib etməyə kömək edib

Süni intellekt alimlərin onilliklərdir üzərində çalışdığı məşhur riyazi fərziyyələri, o cümlədən 1939-cu ilə aid Yakobian fərziyyəsini (Jacobian conjecture) təkzib edən əks-nümunələr tapmağa kömək etmişdir.

Anthropic-də işləyən və əvvəllər Harvard Universitetində tədqiqatçı olan türk-amerikalı riyaziyyatçı Levent Alpoge, Yakobian fərziyyəsinin yalan olduğunu sübut etdiyini aşkar edib. Oxuməni.az-ın məlumatına görə, o, bu barədə X sosial media platformasında məlumat verib.

Alpoge-nin məlumatına görə, ən son süni intellekt modeli olan Fable 5 istifadə edilərək cəmi 216 simvol uzunluğunda əks-nümunə tapılıb. Onilliklərdir ki, riyaziyyatçılar fərziyyəni sübut etməyə çalışıblar, lakin onu təkzib edən bir dənə də olsun nümunə tapa bilməyiblər.

Tədqiqatçının sözlərinə görə, əks-nümunə əl ilə təsdiqlənə bildiyindən 24 saat ərzində yoxlanılıb və təsdiqlənib.

Xatırladaq ki, Yakobian fərziyyəsi 1939-cu ildə alman riyaziyyatçısı Otto-Henrix Keller tərəfindən formalaşdırılıb. 1998-ci ildə amerikalı riyaziyyatçı Stiven Smeyl onu 21-ci əsrin ən vacib 18 həll olunmamış riyazi problemi siyahısına daxil edib.

Almaz Həsənli