Ukrayna Silahlı Qüvvələri Stavropol diyarında anbar kompleksinə hücum etdi

10:11

Bəyəndim (1) Bəyənmədim (0)

Stavropol diyarındakı Nevinnomıssk şəhərinin kənarındakı anbar kompleksi Ukrayna Silahlı Qüvvələrinin pilotsuz uçuş aparatlarının (PUA) hücumu nəticəsində yanğına məruz qaldı.

Oxuməni.az-ın yaydığı məlumata görə, bu barədə vilayət qubernatoru Vladimir Vladimirov özünün Telegram kanalında məlumat verib.

Yanğınsöndürmə briqadaları və digər təcili yardım xidmətləri hadisə yerində işləyir. Əməliyyat məlumatlarına görə, iki nəfər yaralanıb və tibb işçiləri onlara bütün lazımi yardımı göstərirlər.

Bakı vaxtı ilə səhər saat 7:00-a olan məlumata görə, dron xəbərdarlığı bütün bölgədə qüvvədədir.

Ukrayna Silahlı Qüvvələri əvvəllər Krasnodar diyarına dronlarla hücum etmişdi. Nəticədə, Krasnodardakı anbar kompleksi yanğına məruz qalıb və dron qalıqları iki mənzil binasına və Dinskaya kəndindəki bir neçə fərdi evə də ziyan dəyib.

Əziz Mustafa