Putin son şansı əldən verməməyə tələsir

Ukraynadakı müharibənin təzyiqi altında Rusiya diktatoru Vladimir Putin münaqişədə üstünlük Kiyevin xeyrinə dəyişənə qədər əlində olan son imkanlardan maksimum dərəcədə istifadə etməyə çalışır.

Oxuməni.az-ın yazdığına görə, bu barədə Newsweek-də gedən geniş analitik məqalədə deyilir.

Məqalədə Rusiyanın bir sıra ciddi problemlərlə üzləşdiyi vurğulanır. Xüsusilə, Rusiya ordusunun verdiyi ağır itkilərə baxmayaraq, cəbhə xətti faktiki olaraq dəyişməz olaraq qaldı. Rusiya tərəfindən işğal olunmuş Krımda həyat Ukrayna zərbələrindən sonra iflic olunmuş vəziyyətə düşüb. Rusiya iqtisadiyyatı inflyasiyanın, borcun və neft böhranının təsirlərini hiss edir. Ukraynanın uzun müddət işğalı Rusiyanın regionlarında iqtisadi böhranı daha da ağırlaşdırıb.

Kreml üçün digər bir çətinlik ABŞ-ın Ukrayna üçün lisenziya əsasında Patriot sistemlərinin istehsalına icazə vermək qərarıdır.

Analitiklərin fikrincə, Rusiya buna görə də qarşıdakı aylarda təzyiqi mümkün qədər artırmağa çalışacaq. Söhbət böyük raket və pilotsuz təyyarə hücumlarından, eləcə də Donetskdəki kiçik üsyançı qrupların davamlı hücumlarından gedir.

Kreml mediadan da bu məsələdə istifadə olunmasını eyni dərəcədə vacib hesab edir. Moskva hətta təsdiqi olmasa belə tez-tez Ukraynanın böyük şəhərlərinin ələ keçirildiyini elan edir.

Analitiklər deyirlər ki, bu cür ritorika "qaçılmaz Rusiyanın qələbəsi" hissi yaratmaq və Kremlin danışıqlar mövqeyini gücləndirmək məqsədi daşıyır.

Putinin əsas məqsədi Ukraynanın yeni müdafiə imkanlarının döyüş meydanındakı vəziyyəti dəyişdirməsindən əvvəl Kiyevə və müttəfiqlərinə qarşı müharibədə Rusiyanın əlverişli mövqeyini təmin etməkdir.

Əziz MUSTAFA