Yanacaq böhranı səbəbindən Krımda kütləvi ixtisarlar başlayıb

Yanacaq böhranı səbəbindən müvəqqəti işğal altında olan Krım sakinləri işdən çıxarılır və ödənişsiz məzuniyyətə göndərilir. Oxuməni.az-ın məlumatına görə, krımlıların bu şərhləri yarımadanın rəhbəri Sergey Aksyonovun paylaşımları altında yer alıb.
Yarımada sakinlərinin sözlərinə görə, işəgötürənlər əmək haqqını gecikdirir və onlardan işdən çıxmaları tələb edirlər. Bu arada, yerli sahibkarlar məcburi boş vaxtların və işçilərinə və vergilərinə pul ödəmək üçün vəsait çatışmazlığının olduğunu bildirirlər.

Krım sakinləri həmçinin işdənçıxarmalardan, gəlirlərin kəskin azalmasından, bizneslərin bağlanmasından və ipoteka və kreditləri ödəyə bilməməsindən şikayətlənirlər. Onlar həmçinin hakimiyyət orqanlarından bizneslər üçün vergi güzəştləri tətbiq etmələrini xahiş edirlər.

Avtomobil təmiri və texniki xidməti ilə məşğul olan fərdi sahibkarlar yanacaq çatışmazlığının onları demək olar ki, müştərisiz qoyduğunu bildiriblər.

Həmçinin bu həftə Krım TES yanacaqdoldurma məntəqələri şəbəkəsinin işçiləri Rusiya diktatoru Vladimir Putinə video mesaj yazaraq təxminən 2500 nəfərin işdən çıxarılma riski ilə üzləşdiyini bildiriblər.

Xatırladaq ki, cümə günündən bəri Krımda "regional fövqəladə vəziyyət" elan edilib.

Əziz MUSTAFA